Take a fresh look at your lifestyle.

தமிழீழ விடுதலை புலிகள் செயற்பாட்டாளர்கள் விடுதலை? சுவிட்ஸர்லாந்து நீதிமன்றம் தீர்ப்பு!

இன்று சுவிற்சர்லாந்து நீதிமன்றம் விடுதலைப்புலிகள் மீது குற்றவியல் அமைப்பு எனச் சுமத்தப்பட்ட குற்றத்தை மறுதலித்து தீர்பளித்தது.

விடுதலைப் புலிகள் குற்றவியல் அமைப்பு இல்லை என தீர்பளித்தது.

கட்டாய நிதி சேகரிப்பு, மிரட்டிப் பணம் பறிப்பு என சுமத்தப்பட்ட குற்றமும் தவறென நீதிமன்றம் தீர்பளித்தது.

குலம், அப்துல்லா, மாம்பழம் மூவரும் வங்கிக்கடன் பெறுவதில் நடைபெற்ற மோசடிக்கு ஒத்தி வைக்கப்பட்ட தடுப்புத் தண்டனையும், அபராதம் செலுத்தவும் பணிக்கப்பட்டார்கள்.

யோகேஸ், குமார், கவிதாஸ், சிவலோகநாதன் ஆகிய மூவரையும் சுமத்தப்பட்ட அனைத்துக் குற்றத்தில் இருந்து விடுவித்து இழப்பீடும் வழங்கியது.

சுவிற்சர்லாந்து நாட்டின் தமிழ் செயற்பாட்டாளர்களை குற்றவியலாளர்களாக சித்தரித்து திட்டமிட்டு தமிழீழ விடுதலை புலிகளின் பெயரை களங்கபடுத்தவென தொடரப்பட்ட பெலின்சோனா வழக்கின் தீர்ப்பு இன்று வெளியிடப்பட்டது.

முதலாம் இணைப்பு

சுவிட்ஸர்லாந்து பெடரல் குற்றவியல் நீதிமன்றம் உலகத் தமிழர் ஒருங்கிணைப்புக் குழு (WTCC) ஒரு குற்றவியல் அமைப்பைக் கருதுவதில்லை என தீர்ப்பளித்துள்ளது.

தமிழீழ விடுதலை புலிகள் அமைப்புக்கு நிதி திரட்டினார்கள் என்ற குற்றச்சாட்டில் 13 பேருக்கு எதிராக சுவிட்ஸர்லாந்து நீதிமன்றில்   தொடரப்பட்ட வழக்கின் இறுதி தீர்ப்பு சற்று முன்னர் சுவிட்ஸர்லாந்து பெடரல் குற்றவியல் நீதிமன்றம் வெளியிட்டுள்ளது.

உலக தமிழ்ர் ஒருங்கிணைப்புக் குழு (WTCC) ஒரு குற்றவியல் அமைப்பைக் கருதுவதில்லை என தீர்ப்பளித்துள்ளது.
விசாரணையில் 13 செயற்பாட்டாளர்களுக்கு எதிராக நிபந்தனை விதிக்கப்பட்டு விடுதலை செய்யப்பட வேண்டும் என பெடரல் குற்றவியல் நீதிமன்றம் உத்தரவிட்டுள்ளது.