வளைகுடா ஒத்துழைப்பு நாடுகளின் மாநாடு சவூதி அரேபியாவில் நடைபெறவுள்ளது. எதிர்வரும் 10ஆம் திகதி சவூதி அரேபியத் தலைநகர் ரியாதில் இந்த நடைபெறவுள்ளது. பிராந்திய அரசியல், பொருளாதாரம், பாதுகாப்பு குறித்து இதன்போது கலந்துரையாடப்படவுள்ளதாக தெரிவிக்கப்படுகின்றது. இந்த அமைப்பில், கட்டார், சவூதி அரேபியா, ஐக்கிய அரபு இராஜ்ஜியம், பஹ்ரைன், குவைத் மற்றும் ஓமான் ஆகிய நாடுகள் அங்கம் வகிக்கின்றன. பிற நாடுகளின் தலையீட்டிலிருந்து எண்ணெய் வளங்களைப் பாதுகாத்து பொருளாதாரத்தைப் பலப்படுத்தல், அரேபியர்களின் தனித்துவம், கலாசாரத்தைப் பேணல் போன்ற முக்கிய குறிக்கோள்களின் அடிப்படையில் இந்த அமைப்பு செயற்பட்டு வருகின்றது.