இந்தியா கொண்டுவந்துள்ள குடியுரிமை திருத்த சட்டம் குறித்து கருத்து வெளியிட ஐ.நா. மறுத்துள்ளதாக தெரிவிக்கப்படுகிறது. பாகிஸ்தான், பங்களாதேஷ், ஆப்கானிஸ்தான் போன்ற அண்டை நாடுகளில், சிறுபான்மையினராக இருந்து, மத ரீதியான துன்புறுத்தல்களுக்கு ஆளாகி இந்தியாவுக்கு அகதிகளாக வந்துள்ளோருக்கு குடியுரிமை அளிக்க வழி செய்யும், குடியுரிமை சட்ட திருத்த சட்டமூலம் மக்களவையில் நிறைவேற்றப்பட்டது. குறித்த சட்டமூலம் இன்று (புதன்கிழமை) மாநிலங்கள் அவையில் தாக்கல் செய்யப்படுகிறது. இந்நிலையிலேயே இது குறித்து ஐ.நா.விற்கான அகதிகள் மறுவாழ்வு அமைப்பு கருத்து கூற மறுத்துவிட்டதாக தகவல் வெளியாகியுள்ளது. மேலும் இந்தியா கொண்டுவந்துள்ள குடியுரிமை திருத்த சட்டம் அவர்களது உள்நாட்டு விவகாரம் இதில் நாம் கருத்து கூற முடியாது என ஐ.நா. பொதுச்செயலாளரின் துணை செய்தி தொடர்பாளர் கூறியுள்ளார்.