இலங்கை வேந்தன் இராவணன் அழிந்த கதை அனைவருக்கும் நன்கு தெரிந்த கதை.

பொதுவில் முடிதரித்த மன்னர்களின் வரலாறு என்பது நாட்டைக் காப்பாற்றுவதற்காகப் போர் புரிந்ததாக, பிறதேசங்களைக் கைப்பற்றும் எண்ணம் கொண்டதாக, நீதிநெறி தவறாமல் வாழ்ந்ததாக, முல்லைக்குத் தேரும் புறாவுக்கு உடலும் கொடுத்த கொடையாக அறியப்படும்.

ஆனால் இலங்கை வேந்தன் இராவணனின் வரலாறு இவை எதற்குள்ளும் அடங் காதவை.

சீதை எனும் கற்புடைச் செல்வியைக் கடத்தி வந்து அசோகவனச் சிறையில் அடைத்து வைத்ததால், தன் சந்ததியையும் அழித்து தன் நாட்டையும் எரித்து தானும் அழிந்த வர லாற்றையே இராணவன் தனதாக்கிக் கொண் டான்.

இராவணன் அழிந்ததற்கு ஒரு பெண்ணைக் கடத்தி வந்து சிறையில் அடைத்து வைத்ததே காரணம் எனும்போது,

இதைவிட்ட கொடுமை வேறு என்னவாக இருக்க முடியும்.

இதை நாம் கூறும்போது வரலாறு சரி. இது  இங்கு எதற்காக என்று நீங்கள் யாரேனும் கேட்கலாம்.

அவ்வாறு கேட்டால், இலங்கையில் சீதை சிறைப்படுத்தப்பட்ட பாவம் இன்னமும் தொடர்ந்து செல்கிறது என்பதைக் கூறுவதற்காகவே.

ஆம், இலங்கையில் ஆட்சித் தர்மம் என்பது அறவே இல்லை என்றாயிற்று.

இலங்கை மண்ணை தமிழ் அரசர்கள் ஆண்ட வரலாறுகள் இருக்கின்றபோதிலும் தமிழர்கள் இப்போது சிறுபான்மை என்பதற்காக அவர்களை நசுக்குவதே தமது இலக்கு என்பதுபோல சிங்கள ஆட்சியாளர்கள் நடந்து கொள்கின்றனர்.

பேரினவாதத் தீயைக் கக்கியதால் இந்த மண்ணில் நடந்த உயிரிழப்புகள் கொஞ்சமல்ல. இருந்தும் இன்னமும் திருந்தியபாடாக இல்லை.

ஆம், கடந்த ஜனாதிபதித் தேர்தலின்போது தமிழ் மக்கள் சஜித் பிரேமதாஸவை ஆதரித் திருந்தனர்.

இவ்வாறு தமிழ் மக்கள் ஆதரித்த பிற்பாடு; ஐக்கிய தேசியக் கட்சியின் தலைவர் ரணில் விக்கிரமசிங்க, இனி பெளத்தத்தை முன்னுரிமைப்படுத்தியே எங்களின் அரசியல் நகர்வு இருக்குமென்று பகிரங்கமாகக் கூறியுள்ளார்.

தமிழ் மக்கள் நம்பி வாக்களித்து கைவிரலில் பூசிய மை காய்வதற்கு முன்னதாகவே, பெளத்தத்தை முன்னுரிமைப்படுத்தியதாக எங்களின் எதிர்கால அரசியல் இருக்கும் என்று ரணில் கூறினாரெனில், தமிழ் மக்களின் வாக்குகளை அவர் இம்மியும் கணக்கி லெடுக்கவில்லை என்பது புரிகிறது.

ஆக, பெளத்தத்தை முன்னுரிமைப்படுத்துவது என்று ரணில் விக்கிரமசிங்க கூற, ஜனாதி பதி கோட்டாபய ராஜபக்ச ­வோ; பெரும்பான்மை மக்களின் விருப்பத்தைப் பொறுத்தே அரசின் நடவடிக்கைகள் அமையும் என்பதாகக் கூறுகிறார்.

ஆக, பெளத்தம் பேரினவாதம் என்ற ஆயுதத்தை சிங்களத் தரப்பு இறக்கி வைப்பதாக இல்லை என்ற அளவில் இலங்கையின் எதிர்காலம் ஆரோக்கியமற்றதே என்பதை அறுதி யிட்டுக் கூற முடியும்.

-வலம்புரி