"உதவி வழங்க வந்த 55 வயது சுவிஸ்தமிழன் பளையில் குடும்பப் பெண்ணுடன் நடாத்தும் லீலைகள் இவை" என்ற தலைப்பில், சில இணையத்தளங்கள் "காணொளி ஒன்றை வெளியிட்டுள்ளோம்" என்று செய்தி வெளியிட்டிருந்தன. செய்தி இது தான்:

யுத்தத்தில் கணவனை இழந்த குடும்பப் பெண்ணுக்கு உதவி வழங்குதல் என்ற பெயரில் உதவிகள் வழங்கி அப் பெண்ணை தனது பாலியல் அடிமையாக மாற்றி கேவலமான செயற்பாடுகளைச் செய்யும் 55 வயது மதிக்கத்தக்க சுவிஸ்தமிழன் பளை வண்ணான்குளப்பகுதிக்கு அருகில் நடாத்தும் கேவலக் கூத்துக்கள் இவை. குறித்த வீடியோ அப்பகுதியில் உள்ள இளைஞர் ஒருவரால் எமது மின்னஞ்சலுக்கு அனுப்பப்பட்டதாகும். வீடியோவில் உள்ளவர்களில் பெண்ணின் பெயர் விபரங்கள் எமக்கு அனுப்பப்பட்டுள்ளன. ஆனால் அந்த தமிழனின் விபரம் தெரியவில்லை. இதில் உள்ள காட்சிகளில் குறித்த காமுக தமிழனின் முகம் தெளிவாகத் தெரிகின்றது. அது யார் என சுவிஸ்சில் உள்ளவர்கள் அறிந்து அவனுக்கு நடவடிக்கை எடுக்கவும். வீடியோவை நேரடியாக எமது இணையத்தளத்தில் பிரசுரிக்க முடியாத காரணத்தால் கீழே உள்ள புகைப்பட இணைப்பை அழுத்தி பின்னர் ஐபிறேம் மூலமாகப் பார்க்கவும்.

இந்த செய்தி உண்மையாக இருந்தால், அந்தப் பெண்ணையும் பழி வாங்குவது போல் காணொளி வெளியிட வேண்டுமா என்பது முதல் கேள்வி.  காணொளி எடுத்த இளைஞன், அந்தக் காமுகன் குறித்த விபரங்களை மட்டும் வெளியிடலாமே?  ஆனால், அதில் உண்மை இல்லை என்றால், உதவி செய்பவர்களில் சிலர் உதவி செய்யத் தயங்குவர்.  அதுவும் நல்லதல்ல.  இப்படியான செய்திகளை எமது ஊடகம் தவிர்க்க முயல்கிறது.  அதே வேளை, சந்தர்ப்பங்களைத் தமக்குச் சாதகமாகப் பயன்படுத்தி, பலவீனமான ஒருவரைத் தமது சுய தேவைகளுக்காகப் பயன்படுத்துபவர்களுக்கு எதிராகக் குரல் கொடுக்க வேண்டும் என்பதில் திடமாக உள்ளோம். இப்படியான செய்திகளில் உண்மை என்ன என்பதை ஆராய்வோம்.  அதில் பாதிக்கப்பட்டவர்கள் மேலும் பாதிக்கப்படாமலிருக்கும் வகையிலும் தண்டிக்கப்பட வேண்டியவர்களுக்குச் செய்தி சென்றடையும் வகையிலும் தாரகம் செய்திகளை எடுத்துவர முனையும் என்பதை வாசகர்களுக்கு அறியத்தருகிறோம்.