தென் தமிழீழம் , மட்டக்களப்பு, ஓட்டமாவடி  தியாவட்டவான் கிராமத்தில் முகைதீன் அப்துல் காதர் வீட்டுத் திட்டத்தில் வாழை மரத்தில் இருந்து அதிசயமான முறையில் ஒரு வாழைக்காய் மாத்திரம் காய்த்துள்ளது. ஓட்டமாவடி மஜ்மாநகர் முகைதீன் அப்துல் காதர் வீட்டுத் திட்டத்தில் அபுல்ஹசன் முஹம்மட் பஸீல் என்பவரது வீட்டுத் தோட்டத்தில் வாழை மரம் ஒன்றே அதிசயமான முறையில் ஒரு வாழைக்காயுடன் மாத்திரம் காய்த்து காணப்படுகின்றது. இரு வாரத்துக்கு முன் வாழை மரத்தை பார்க்கும் போது சிறிய வாழைப்பூ வெளிப்பட்டிருந்தது. அது தற்போது பெரிய வடிவில் ஒரு வாழைக்காயுடன் காய்த்துள்ளது என்று வீட்டு உரிமையாளர் அபுல்ஹசன் முஹம்மட் பஸீல் தெரிவித்தார். கோழிக்கூடு வாழை வகையை கொண்ட அதிசய வாழைக் காயினை பார்வையிட முகைதீன் அப்துல் காதர் வீட்டுத் திட்டத்திற்கு பெருமளவிலான பொதுமக்கள் வருகின்றனர்