ஜம்மு – காஷ்மீரில் பாதுகாப்பு படையினர் நடத்திய துப்பாக்கிச் சூட்டில்  3 பயங்கரவாதிகள் உயிரிழந்துள்ளனர். ஜம்மு – காஷ்மீரின் சோபியான் மாவட்டத்தில் பயங்கரவாதிகள் பதுங்கி இருப்பதாக பாதுகாப்பு படையினருக்கு இரகசிய தகவல் கிடைக்கப்பெற்றுள்ளது. இதையடுத்து குறித்த பகுதியில் தீவிர தேடுதல் நடவடிக்கையில் ஈடுபட்ட படையினர், 3 பயங்கரவாதியினரையும் இனங்கண்டுள்ளனர். இதன்போது மேற்கொள்ளப்பட்ட துப்பாக்கிச் சூட்டில் மூன்று பயங்கரவாதிகளும் கொலை செய்யப்பட்டதாக பாதுகாப்பு பிரிவினர் தெரிவித்துள்ளனர். மேலும் குறித்த பகுதியில் பாதுகாப்பு நடவடிக்கைகள் தீவிரப்படுத்தப்பட்டுள்ளதாகவும், அந்நாட்டு ஊடகங்கள் செய்தி வெளியிட்டுள்ளமை குறிப்பிடத்தக்கது.