ஐக்கிய தேசியக் கட்சியின் நாடாளுமன்ற உறுப்பினர் கலாநிதி ஜயம்பதி விக்ரமரத்ன, தனது நாடாளுமன்ற உறுப்பினர் பதவியை இராஜினாமா செய்துள்ளார். ஜயம்பதி விக்ரமரத்ன தனது இராஜினாமா கடிதத்தை சிறிலங்கா சபாநாயகரிடம் ஒப்படைத்துள்ளார் என, பிரதி சபாநாயகர் நாடாளுமன்றத்தில் இன்று (புதன்கிழமை) அறிவித்தார். ஜனவரி 20, 2020 முதல் அமுலாகும் வகையில் தனது இராஜினாமா கடிதத்தை சமர்ப்பித்துள்ளார் என தெரிவிக்கப்பட்டுள்ளது. ஐக்கிய தேசிய கட்சியை பிரதிநிதித்துவப்படுத்தும் தேசிய பட்டியல் ஊடாக அவர் நாடாளுமன்ற உறுப்பினரான தெரிவு தெரியப்பட்டிருந்தார். இவர் சட்ட விவகாரம் (ஊழலுக்கெதிரான) மற்றும் ஊடகத்துறை, உள்ளக நிருவாகம், அரச முகாமைத்துவம், நல்லிணக்கம் மற்றும் வடக்கையும் கிழக்கையும் மீளக் கட்டியெழுப்புதல் பற்றிய துறைசார் மேற்பார்வைக் குழுக்களில் பணியாற்றியுள்ளமை சுட்டிக்காட்டத்தக்கது.