20 பவுண்ட்ஸ் காகித நாணயங்களை மாற்றியமைக்கும் பணியை பாங்க் ஒஃப் இங்கிலான்ட் தொடங்கியுள்ளது. பழைய காகித நாணயங்களுக்குப் பதிலாக புதியவை பொலிமர் தாள்களால் மாற்றப்படும். சுமார் இரண்டு பில்லியன் காகித நாணயங்கள் மீளப்பெறப்பட்டு மீள்சுழற்சியின் பின்னர் விவசாயத்திற்கு உரமாகப் பயன்படுத்தப்படும். இரண்டு பில்லியன் காகித நாணயங்களை மாற்றுவது என்பது இங்கிலாந்தின் வரலாற்றில் மிகப்பெரிய நாணய மாற்றாக இருக்கும் என்று கூறப்படுகின்றது. பொருளாதார நிபுணர் ஆடம் ஸ்மித்தின் உருவத்தைத் தாங்கிய பழைய 20 பவுண்ட்ஸ் காகித நாணயங்கள் புழக்கத்தில் இருந்து மீளப்பெறப்படுகின்றன. இதனை நடைமுறைப்படுத்த பல மாதங்கள் எடுக்கும் என்றும் போதுமான அளவு மீளப்பெறப்பட்டுவிட்டால், ஏனைய காகித நாணயங்களை ஒப்படைக்க பாங்க் ஒஃப் இங்கிலான்ட் ஆறு மாத காலத்தை வழங்கும். ஆறு மாத காலக்கெடுவானது 2021 ஆம் ஆண்டின் முற்பகுதியாக இருக்கும் என்று கூறப்பட்டுள்ளது.