பத்து வயது பாலகனின் காலில் மண்ணெண்ணெய் ஊற்றி எரித்த கொடிய தந்தை!
வட தமிழீழம், ஊறனியில் 10 வயதுச் சிறுவன் இரண்டு கால்களிலும் எரிகாயங்களுடன் மருத்துவமனையில் சேர்க்கப்பட்டுள்ளார். அவரது வளர்ப்புத் தந்தையே சிறுவனைக் கட்டி வைத்து காலில் மண்ணெண்ணெய் ஊற்றித் தீ வைத்தார் என்று குற்றஞ்சாட்டப்பட்டுள்ளது.
சிறுவர் உரிமையை மீறும் வகையிலான இந்த மோசமான சம்பவம் வல்வெட்டித்துறை ஊறணியில் இடம்பெற்றது. குறித்த சிறுவனின் தந்தை உயிரிழந்து விட்டார். தற்போது சிறிய தந்தையார் என்று சிறுவன் ஒருவரை அடையாளப் படுத்திக்கூறி அவரே தனது காலைக் கட்டிவைத்து மண்ணெண்ணெய் ஊற்றி கால்களில் தீ மூட்டினார் என்று குற்றஞ்சாட்டப்பட்டுள்ளது.
இது பற்றிய விடயங்கள் விசாரணையில் தெரியவந்துள்ளது. சிறுவன் பணம் எடுத்ததால் தந்தையார் என்று கூறப்படும் நபர் இவ்வாறு துன்புறுத்தினார் என்றும்இ வெளியே யாருக்காவது கூறவேண்டாம் என்று அச்சுறுத்தியிருந்தார் என்றும் விசாரணையில் கூறப்பட்டுள்ளது.
குறித்த சிறுவன் தீ வைத்த தினத்திலிருந்து நான்கு நாள்கள்வரை மருத்துவமனையில் சேர்க்கப்படவில்லை. வீட்டில் வைத்து சிகிச்சை வழங்கப்பட்டுள்ளது. எனினும் தீ சுட்ட இடம் காயமாகி மோசமான நிலைக்குச் சென்றபோதே ஊறணி மருத்துவமனையில் சேர்க்கப்பட்டார். மேலதிக சிகிச்சைக்காக அவர் பருத்தித்துறை ஆதார மருத்துவமனைக்கு மாற்றப்பட்டார்.
அங்கு மருத்துமனைப் காவல்துறையினரின்செயற்றிறன் குறைவாகக் காணப்பட்டதால் மேலதிக நடவடிக்கை எடுக்கப்படவில்லை என்று காவல்துறையினர்மீது குற்றஞ்சாட்டப்படுகிறது. அது தொடர்பில் சிறுவர் விடயங்களைக் கையாழும் திணைக்கள அதிகாரிக்கும் காங்கேசன்துறை பிரிவு இரண்டின் உதவிப் கால்துறை அத்தியட்சகர் டி.கே. பிரியந்தவுக்கும் அறிவிக்கப்பட்டது.
அவரது வழிப்படுத்தலில் பருத்தித்துறைப் காவல்துறையின் பொறுப்பதிகாரி மருத்துவமனைக்குச் சென்று விசாரணை நடத்தினார். வல்வெட்டித்துறைப் கால்துறையின் சந்தேகநபரைக் கைது செய்வதற்கான நடவடிக்கையில் ஈடுபட்டுள்ளனர் என்று உதவிப் காவல்தறை அத்தியட்சகர் தெரிவித்தார்.