திருமண வீடொன்றில் உணவு நஞ்சானதால் 30 பேர் சுகவீனமுற்று வைத்தியசாலையில் அனுமதிக்கப்பட்டுள்ளனர். இச்சம்பவம்  தென் தமிழீழம் , மட்டக்களப்பு,ஆரையம்பதி கோயில்குளம் பகுதியில் இடம்பெற்றுள்ளதாக,ஆரையம்பதி சுகாதார வைத்தியதிகாரி தெரிவித்தார். நேற்றிரவு (02) ஆரையம்பதி கோயில்குளம் பகுதியில் திருமண வீடொன்றில் சுமார் 200 பேர் வரை கோழி இறைச்சி கலந்த பிரியாணியை உட்கொண்டுள்ளனர். இதன் பின்னர் இவர்களில் அதிகமானோர் மயக்கம் வாந்தி,காய்ச்சல் காரணமாக ஆரையம்பதி மாவட்ட வைத்தியசாலையில் அனுமதிக்கப்பட்டு,பின்னர் மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு மாற்றப்பட்டுள்ளனர்.