அமெரிக்க ஜனாதிபதி டொனால்ட் ட்ரம்ப், முதல் தடவையாக பொது இடங்களில் முகக்கவசம் அணிந்துள்ளார். கொரோனா வைரஸ் அச்சுறுத்தலை ஆரம்பத்தில் புறக்கணித்து வந்த ஜனாதிபதி டொனால்ட் டரம்ப், முகக்கவசம் அணிவது அவசியமில்லை எனவும் கூறிவந்தார். தான் முகக்கவசம் அணியப்போவதில்லை எனவும் அவர் தெரிவித்திருந்தார். எனினும், அமெரிக்காவில் கொரோனா கோரத்தாண்டவம் ஆடும் நிலையில், தனது நிலைப்பாட்டை அவர் மாற்றிக்கொண்டார். தான் முகக்கசம் அணிவதை ஆதரிப்பதாகவும், ஏற்கெனவே தான் அணிந்திருந்ததை சிலர் கண்டுள்ளனர் எனவும் அண்மையில் டொனால்ட் ட்ரம்ப் தெரிவித்திருந்தார். இந்நிலையில், சனிக்கிழமை அவர் முதல் தடவையாக முகக்கவசம் அணிந்த நிலையில் பகிரங்கமாகத் தோன்றினார். வொஷிங்டனுக்கு வெளியிலுள்ள வோல்டர் றீட் இராணுவ வைத்தியசாலைக்கு சென்றபோது ஜனாதிபதி ட்ரம்ப் முகக்கவசம் அணிந்திருந்தார்