வவுனியா ஓமந்தை பகுதியில் மாட்டுடன் மோதி ஏற்பட்ட விபத்தில் படுகாயமடைந்த குடும்பஸ்தரான முதியவர் சிகிச்சை பலனின்றி உயிரிழந்துள்ளார். வவுனியாவை சேர்ந்த மேகவண்ணன் (வயது 62) என்பவரே உயிரிழந்தவராவார். கிளிநொச்சியிலிருந்து வவுனியா நோக்கி மோட்டார் சைக்கிளில் பயணித்து கொண்டிருந்த குறித்த முதியவரும், அவரது மகனும், ஓமந்தை பகுதியில் சென்று கொண்டிருந்த போது வீதியின் நடுவே மாடு குறுக்கிட்டதால் விபத்து இடம்பெற்றது. விபத்தில் முதியவர் படுகாயமடைந்த நிலையில் வவுனியா வைத்தியசாலையில் அனுமதிக்கப்பட்டிருந்தார்.எனினும் அவர் நேற்று சிகிச்சை பலனின்றி உயிரிழந்துள்ளதாக தெரியவருகிறது. இது தொடர்பான மேலதிக விசாரணைகளை ஓமந்தை பொலிஸார் முன்னெடுத்து வருகின்றனர்.