மொன்றியல், , கனடாவில், 11 வயது நிரம்பிய சங்கவி ரதன் என்ற தமிழ்ச் சிறுமி இடுப்பில் வளையம் ஒன்றைச் சுற்றியவாறு றூபிக்கின் கனசதுரத்தின் தனித்தனிநிறங்களை ஒரு கையினால்ஒழுங்குபடுத்தி கின்னஸ் உலகசாதனையை படைத்துள்ளார். இவர் ஓகஸ்ட் முதலாம் திகதி கனடா மிஸிஸாகா நகரில் கின்னஸ் சாதனை நிறுவனப் பிரதிநிதிகள் முன்னிலையில் 55 நிமிடங்களில் 30 தடவைகள் 3ஒ3 றூபிக்கின் கனசதுரத்தை ஒழுங்குபடுத்தி, 25 தடவைகள் என்றிருந்த முன்னைய கின்னஸ் சாதனையை முறியடித்து புதிய உலக சாதனை ஒன்றை ஏற்படுத்தியுள்ளார். வட தமிழீழம் , யாழ்ப்பாணம் - அனலை தீவைச் சேர்ந்த பாலசிங்கம் ரதன் - வரதராஜன் வசந்தி தம்பதிகளின் இளைய மகளான சங்கவி, கொரோனா கால முடக்கத்தில் வீட்டில் இருந்த காலத்தைப் பயனுள்ள வகையில் பயன்படுத்தி இந்த உலக சாதனையைப் புரிந்துள்ளார். புத்தகம் ஒன்றை வாசித்தும் பல காணொளிகளைப் பார்த் தும் இதில் உள்ள நுட்பங்களைக் கற்றுத் தெரிந்து மூன்று மாதங்களாகப் பயிற்சி செய்து இவர் இதனைச் சாத்திய மாக்கியுள்ளார். இடுப்பில் வளையம் சுற்றுவதை தனது இளவயதில்கற்றிருந்ததும் சங்கவி இந்தச்சாதனையை நிறைவேற்றஉதவியாக இருந்தது. புது விடயங்களைக் கற்பதில் ஆர்வமுள்ள சங்கவிஇசைக்கருவி வாசித்தல், வாய்ப்பாட்டு, விளையாட்டுக்கள் என்பவற்றில் ஆர்வமாகஈடுபட்டு வருபவர். பிறப்பின்போது ஏற்பட்ட காயம்ஒன்றினால் வலக்கரம் இயங்க முடியாத நிலையிலும் தனதுஇடக்கரத்தினால் இவர் இந்தச் சாதனையை மேற் கொண்டுபலருக்கு ஒரு முன்னுதாரணமாகத் திகழ்கின்றார்.