சிதம்பரம் அண்ணாமலைப் பல்கலைக்கழக மேனாள் மொழியியல் உயராய்வு மைய இயக்குநரும், பேராசிரியரும், தமிழ் இலக்கணப் பேரறிஞருமான ஐயா செ. வை. சண்முகம் அவர்கள், 27.01.2022 அன்று சிதம்பரத்தில் அவரது இல்லத்தில் அகவை மூப்பு காரணமாகக் காலமானார். அவருக்கு அகவை 91.

தொல்காப்பியத்தில் தோய்ந்து, ஆய்ந்த அறிஞரான செ.வை. சண்முகம் அவர்கள், எழுத்திலக்கணக் கோட் பாடு, சொல்லிலக்கணக் கோட்பாடு, பொருளிலக்கணக் கோட்பாடு, தொல்காப்பிய ஆய்வு உள்ளிட்ட நூல்களை படைத்தார். இந்நூல்கள் தொல்காப்பிய ஆய்வுலகில் வழிகாட்டியாகப் போற்றப்படுபவை. மொழியியல், கல் வெட்டியல், ஒப்பிலக்கணம், அகராதியியல் என பல துறைகளில் தம் ஆய்வுகளை நிகழ்த்தியவர்.

அண்ணாமலைப் பல்கலைக்கழகத்தில் சற்றொப்ப முப்பத்தாறு ஆண்டுகளுக்கும் விரிவுரையாளர், இணைப்பேராசிரியர், பேராசிரியர், இயக்குநர் உள்ளிட்ட பல நிலைகளில் பணிபுரிந்து, 1992இல் பணி ஓய்வுப் பெற்றார். இங்கிலாந்தில் உள்ள ரெடிங் பல்கலைக் கழகத்தில் உயராய்வு (1972 -73) மேற்கொண்டு, அருங்காட்சியகத்தில் இருந்த சுவாமிநாதம் என்ற ஐந்திலக்கண நூலைப் பதிப்பித்து வழங்கினார்.

இந்தோனேசியாவிலுள்ள சகார்த்தா பல்கலைக் கழகத்தில் இரண்டரை ஆண்டுகள் (1976-78) வருகை தரு பேராசிரியராகப் பணி செய்து, தனித்திறமையை வெளிப்படுத்தினார். அப்பல்கலைக்கழகத்தில் அவர் நிகழ்த்திய ஆய்வுகள், "Indonesian Studies" என்ற நூலாக வெளிவந்தது. மேலும் அங்கு நடந்த எழுத்துச் சீர்திருத்தத்தை ஒட்டி, தமிழில் செய்யவேண்டிய திருத்தங் களை எழுத்துச்சீர்திருத்தம் என்ற பெயரில் நூலாக்கி னார். மலேசியா பல்கலைக்கழகத்தில் அமைந்துள்ள, இந்தியக் கல்வித்துறையில் மூன்றாண்டுகள் வெளிநாட்டு வல்லுநராகப் பணிபுரிந்தார்.

மொழியியல் துறையில் தரமான பல ஆய்வுகளை மேற்கொண்டவர் ஐயா சே.வை. சண்முகம் ஆவார். தமிழ் மரபு இலக்கணங்களை, மொழியியல் நோக்கில் ஆராய்ந்து எழுத்திலக்கணக் கோட்பாடு, சொல்லிலக் கணக் கோட்பாடு உள்ளிட்ட நூல்களை வழங்கினார். இவர் தமது வாழ்நாளில் 26-க்கும் மேற்பட்ட நூல்க ளையும், 200-க்கும் மேற்பட்ட ஆய்வுக் கட்டுரை களையும் வழங்கியுள்ளார்.

தமிழ்த்தேசியத் தமிழர் கண்ணோட்டம் - பொங்கல் மலரிலும் கட்டுரைகள் எழுதி நம்மோடு தொடர்பில் இருந்தார். தமிழர் கண்ணோட்டம் இதழ் சிறப்பாக வெளிவர அவ்வப்போது ஆலோசனைகளையும் வழங் கினார்.

ஒன்று முதல் ஐந்தாம் வகுப்பு வரை தமிழைக் கட்டாய மொழிப்பாடமாகவும், பயிற்று மொழியாகவும் மாற்ற வலியுறுத்தி, தமிழ்ச் சான்றோர் பேரவை முன்முயற்சியில் சென்னையில் நடைபெற்ற 102 தமிழ் உணர்வாளர்கள் உண்ணாப்போராட்டத்தை வெற்றிகரமாக நடத்த பலவகையிலும் உதவி புரிந்தார். அப்போராட்டத்தை யொட்டி, சிதம்பரம் தமிழ்க் காப்பணி சார்பில், மேனாள் துணைவேந்தர் அகத்தியலிங்கனார் தலைமையில் நடைபெற்ற உண்ணாப்போராட்டத்தில் தான் பங்குபெற்ற துடன், பல பேராசிரியர்களைப் பங்கு பெறச் செய்வதில் ஐயா செ.வை.ச. அவர்கள் முனைப்பான பங்காற்றினார்.

சிதம்பரம் மாரியப்பா நகரில் உள்ள அவரது இல்லத்தில் தமிழ்த் தேசியப் பேரியக்கப் பொதுச் செயலாளர் கி.வெங்கட்ராமன் அவர்கள் சண்முகனாருக்கு 28.1.2022 காலை 7.30 மணிக்கு மாலை அணிவித்து இறுதி வணக்கம் செலுத்தினார். தமிழ்த்தேசிய பேரியக்க மூத்த உறுப்பினர் தோழர் பா. பிரபாகரன், பொதுக்குழு உறுப்பினர் ஆ. குபேரன், தெய்வத் தமிழ்ப் பேரவை மாணவர் முன்னணி செயற்குழு உறுப்பினர் முனைவர் வே. சுப்ரமணிய சிவா, த.தே.பே. நகரப் பொறுப்பாளர் க. வேந்தன் சுரேசு உள்ளிட்டோர் உடனி ருந்தனர்.

முதுமுனைவரும் தமிழியல் அறிஞருமான செ. வை. சண்முகனார் மறைவு தமிழியல் ஆய்வுக்கும், தமிழினத் திற்கும் துறைக்கு பேரிழப்பாகும்! அவருக்கு, தமிழ்த் தேசியப் பேரியக்கத்தின் புகழ் வணக்கம்!

-தமிழ்த்தேசியப் பேரியக்கம்