நிலவில் உறைந்த நிலையில் தண்ணீர் இருப்பதை இந்தியா அனுப்பிய சந்திராயன் விண்கலம் உறுதி செய்துள்ளதாக நாசா அறிவித்துள்ளது. இந்திய விண்வெளி ஆய்வு மையம் சார்பில் கடந்த 2008ம் ஆண்டு சந்திராயன் 1 என்ற செயற்கைக்கோள் நிலவுக்கு அனுப்பப்பட்டது. இந்த நிலையில் கடந்த 2009ம் ஆண்டு ஆகஸ்ட் 28ல் ஏற்பட்ட பல்வேறு தொழில்நுட்ப பிரச்னை காரணமாக ரேடியோ சிக்னல்களை அனுப்ப முடியாமல் நிறுத்தி கொண்டது.  இதையடுத்து கடந்த 2016ல் நாசா விண்வெளி ஆய்வு மையம் ரேடாரை பயன்படுத்தி சந்திராயனை மறுபடி அதே இடத்தில் நிறுவியது.அது அனுப்பிய தகவல்படி சந்திரனில் தண்ணீர் இருப்பது உறுதி செய்யப்பட்டுள்ளதாக அமெரிக்க விண்வெளி ஆய்வு மையம் நாசா அறிவித்துள்ளது. இது தொடர்பாக அறிவியல் இதழ் ஒன்றில் நாசா விஞ்ஞானிகள் கூறியுள்ளதாவது: சந்திரனில் இருண்ட மற்றும் குளிர்ச்சியான துருவ பகுதிகளில் உறைந்த நிலையில் தண்ணீர் காணப்படுகிறது. இதுபோல் சந்திரனின் வடதுருவத்தில் பரந்த அளவில் அங்குமிங்கும் பனிகட்டிகள் பரவிக்கிடக்கின்றன. இந்த பகுதியில் மைனஸ் 156 டிகிரி செல்சியசுக்கு அதிகமான குளிர்ந்த நிலை ஒருபோதும் பதிவாகவில்லை. இந்த பகுதியில் சூரிய வெளிச்சம் ஒருபோதும் சென்றடைந்ததில்லை. இவ்வாறு அதில் கூறப்பட்டுள்ளது.