தூத்துக்குடி சென்ற விமானத்தில் பாஜக ஒழிக என்று முழக்கமிட்ட பெண்ணை  காவல்துறை  கைது செய்துள்ளனர். சென்னையில் இருந்து தூத்துக்குடி சென்ற விமானத்தில் பாஜக மாநில தலைவர் தமிழிசை சவுந்தரராஜன் நிகழ்ச்சி ஒன்றில் பங்கேற்க தூத்துக்குடி சென்று கொண்டிருந்தார். இந்நிலையில் விமானத்தில் தமிழிசை இருக்கைக்கு பின் அமர்ந்திருந்த தூத்துக்குடி மாவட்டம் கந்தன் காலனியை சேர்ந்த கிருஷ்ணசாமி என்பவர் மகள் சோபியா, கனடாவில் ஆராய்ச்சி படிப்பை முடித்துவிட்டு பெற்றோருடன் தூத்துக்குடி வந்துள்ளார். இதனையடுத்து தமிழிசை சவுந்தரராஜனை கண்டதும் சோபியா ஆத்திரத்தில் பாஜக அரசின் பாசிச ஒழிக்க என்று முழக்கமிட்டுள்ளார். இதனை கேட்ட பயணிகளும் அதிர்ச்சியடைந்தனர். விமானம் தரை இறங்கியதும் தூத்துக்குடி விமான நிலைய அதிகாரிகளிடம் தமிழிசை சவுந்தரராஜன் புகார் தெரிவித்துள்ளார். புகாரின் பேரில் புதுக்கோட்டை பகுதி காவல்துறையினர் பெண் சோபியா மீது 209, 505 என்ற பிரிவுகளின் கீழ் வழக்குப்பதிவு செய்து கைது செய்தனர். இந்நிலையில் தமிழிசை சவுந்தரராஜன் உள்பட பாஜகவினர் 10 பேர் தங்கள் குடும்பத்துக்கு கொலை மிரட்டல் விடுத்தாக சோபியாவில் தந்தை கிருஷ்ணசாமி புதுக்கோட்டை காவல் நிலையத்தில் புகார் அளித்துள்ளார். மாணவி கைது விமர்சனம்:  * மாணவியை காவல்தறை  கைது செய்தது அராஜக செயல் என மார்க்சிஸ்ட் கம்யூனிஸ்ட் மாநில செயலாளர் கே.பாலகிருஷ்ணன் கண்டனம் தெரிவித்துள்ளார். ஒரு கட்சியின் தலைவரான தமிழிசை பெருந்தன்மையுடன் நடந்திருக்க வேண்டும் என்றும் கூறியுள்ளார். * தமிழிசை அளித்த புகாரை திரும்பப் பெற வேண்டும் என இயக்குநர் கவுதமன் வலியுறுத்தியுள்ளார். * தனது கருத்தை வெளிப்படையாக தெரிவித்த மாணவிக்கு இந்திய கம்யூனிஸ்ட் மூத்த தலைவர் சி. மகேந்திரன் வாழ்த்து தெரிவித்துள்ளார்.