வடதமிழீழம், மன்னார் நகர நுழைவாயிலில் உள்ள மனித புதைக்குழியின் அகழ்வுப் பணிகள் மீண்டும் எதிர்வரும் 27ம் திகதி ஆரம்பிக்கப்படவுள்ளன. குறித்த அகழ்வுப் பணிகளுக்குப் பொறுப்பான சட்ட வைத்திய அதிகாரி சமிந்த ராஜபக்ஷ இதனை செய்தி சேவையொன்றுக்கு தெரிவித்துள்ளார். தமக்கும், அகழ்வுப் பணியில் ஈடுபட்டுள்ள குழுவினருக்கும் எதிர்வரும் இரண்டு வாரங்களில் கையாள வேண்டியுள்ள அதிக வேலைப்பளுவின் நிமித்தம் இந்த நடவடிக்கைகளை ஒத்திவைத்திருப்பதாகவும் அவர் தெரிவித்துள்ளார். இதுவரை 235 மனித எலும்புக் கூடுகள் அடையாளப்படுத்தப்பட்டுள்ளதாக அவர் குறிப்பிட்டுள்ளார். அவற்றுள் 229 மனித எச்சங்கள் தோண்டி எடுக்கப்பட்டுள்ளதாகவும் சட்ட வைத்திய அதிகாரி சமிந்த ராஜபக்ஷ தெரிவித்துள்ளார்.