வடதமிழீழம், கிளிநொச்சி இரணைமடு குளத்தின் வான்கதவு அமைந்துள்ள ஆபத்தான பகுதியில் நீராடிய இளைஞன் காணாமல் போய் அரைமணிநேர தேடுதலின் பின்னர் உடலமாக மீட்கப்பட்டு உடல் வைத்தியசாலையில் ஒப்படைக்கப்பட்டது   சம்பவ இடத்திற்கு வருகை தந்திருந்த இளைஞர்கள் காவல்துறையினர்  மற்றும் படையினர் இணைந்து தேடுதலில் ஈடுபட்டனர். சுமார் அரை மணிநேர தேடுதலின் பின்னர் குறித்த இளைஞன் உயிரற்று மீட்கப்பட்டார்.   உடலம்   கிளிநொச்சி வைத்தியசாலைக்கு   அனுப்பி வைக்கப்பட்டது. குறித்த   இளைஞன்  யாழ் மீசாலை பகுதியை சேர்ந்த என் டிலக்சன் என்ற 21 வயதான இளைஞர் எனவும், அவர் இன்று விடுமுறை நாளிற்காக இரணைமடு குளத்தினை பார்வையிட வந்துள்ளதாகவும் காவல்துறையினரின் விசாரணைகளில் தெரிய வந்துள்ளது.மேலதிக விசாரணையை கிளிநொச்சி காவல்துறையினர் மேற்கொள்கின்றனர்.           சம்பவம் இடத்தில் நின்ற ஊடகவியலாளர் உடனடியாக கிளிநொச்சி காவல்துறை மா அதிபருக்கு தொலை பேசியூடாக விடயத்தை அறிவித்திருந்தும் 30 நிமிடங்களின் பின்னரே  காவல்துறையினரும் படையினரும் சம்பவ இடத்திற்கு வருகை தந்திருந்தனர் அவர்களது வருகைக்கு முன்னரே இளைஞர்கள் காணாமல் போனவரை தேட ஆரம்பித்திருந்தனர்.   காவல்துறையினரின் அசமந்த போக்கை பொதுமக்கள் கண்டித்திருந்ததும் குறிப்பிடத்தக்கது