வடதமிழீழம், குமுழமுனை பெரியவெளி வயல்வெளியில் விவசாயி மீது காப்புறுதி உத்தியோகத்தர்கள் கண்மூடிதனமாக தாக்குதல் மேற்கொண்டதில் விவசாயி முல்லைத்தீவு மாஞ்சோலை வைத்தியசாலையில் அனுமதிக்கப்பட்ட சம்பவம் ஒன்று இடம்பெற்றுள்ளது. இச்சம்பவம் குறித்து மேலும் தெரியவருவதாவது, அண்மையில் ஏற்பட்ட வெள்ள அனர்த்தம் காரணமாக அழிவுகளை கணிப்பிட்டு வழங்குவதற்காக கமத்தொழில் காப்புறுதியின் பெரும்பான்மையின உத்தியோகத்தர்களால் விவசாயியான இ.மயூரன் (வயது-42) என்பவர் மீது நேற்று மதியம் 1மணியளவில் குமுழமுனை பெரியவெளி வயல் பகுதியில் தாக்கப்பட்டு மாஞ்சோலை வைத்தியசாலையில் அனுமதிக்கப்பட்டுள்ளார். அழிவடைந்த வயல் பகுதியினை காணியின் உரிமையாளராலே காட்ட வேண்டும் எனவும் குறித்த விவசாயி வேறு ஒருவரை வயல்பகுதியினை காட்டுமாறு விட்டதாகவும் உரித்துடைய விவசாயி வர தாமதமாகிய காரணத்தினால் விவசாயியுடன் முரண்பட்டதுடன் தாக்குதலையும் மேற்கொண்டனர். கடுமையான தாக்குதலுக்குள்ளான விவசாயி இ.மயூரன் வைத்தியசாலையில் அனுமதிக்கப்பட்டுள்ளார். இதேவேளை மாஞ்சோலை வைத்தியசாலை பொலிஸாரிடம் இது தொடர்பாக முறைப்பாடு செய்யப்பட்டுள்ளதையடுத்து மேலதிக விசாரணைகளை காவல்துறையினர் மேற்கொண்டு வருகின்றனர்.