“பிள்ளை யாருடையது என்பதல்ல எவருடையாதாயினும் அது பிள்ளை எனவே பாசத்துடன் பாதுகாப்போம்” எனும் தொனிப்பொருளிலான விழிப்புணர்வு ஊர்வலம் வவுனியாவில் இன்று இடம்பெற்றது. வவுனியா மாவட்ட செயலகமும் சிறுவர்நன்னடத்தை திணைக்களமும் இணைந்து நிகழ்வை நடத்தின. வவுனியா மாவட்டச் செயலகத்தில் ஆரம்பமான ஊர்வலம் புதிய பேருந்து நிலையம் வரை சென்றடைந்தது. ஏனைய நிகழ்வுகள் பேருந்து நிலைய வளாகத்தில் நடைபெற்றன. நிகழ்வில் மாணவர்களுக்கு பாடசாலை உபகரணங்கள் வழங்கப்பட்டன. பேருந்துகளில் சிறுவர்களை பாதுகாப்போம் என்ற வழிப்புணர்வு ஸ்டிக்கர்கள் ஒட்டபட்டன. பிரதேசசெயலக கலாசார பிரிவினரால் ஏற்பாடு செய்யபட்ட “நாமே உழிகள்” என்ற நாடகம் நிகழ்த்தப்பட்டது. சிறுவர்கள் தொடர்பான சிறப்புரையை தமிழருவி சிவகுமாரன் நிகழ்த்தினார். மேலதிக மாவட்டச் செயலர் தி.திரேஸ்குமார் தலைமையில், சிறுவர் நன்னடத்தை உத்தியோகத்தர் ஜெயகெனடியின் ஒழுங்கமைப்பில் நடைபெற்ற நிகழ்வில் மாவட்டச் செயலர் எம்.ஹனீபா, மேலதிக காணி மாவட்டச் செயலர் திருமதி குகன் ,பிரதேசசெயலர்களான கா.உதயராயா,க.சிவகரன், அரச அதிகாரிகள்,பொதுமக்கள் எனப் பலர் கலந்து கொண்டனர்.