கிளிநொச்சி மகா வித்தியாலயம் விளையாட்டு மைதானம் அமைப்பதற்கு கேட்கும் காணிகளை வழங்கமாட்டோம். என கூறும் சிறிலங்கா ஆக்கிரிமப்பு இராணுவம் தெரிவித்துள்ளது. அது தங்களிடம் அபிவிருத்திக்காக கொடுக்கப்பட்டது. என கூறியிருக்கின்றது. இது குறித்து கிளிநொச்சி மாவட்ட சிறிலங்கா இராணுவ தளபதியும் இனப்படுகொலையாளியுமான மேஜா் ஜெனரல் ரவிப்பிாிய மேலும் கூறுகையில், நேற்று (11.04.19) கிளிநொச்சி மாவட்டச் செயலகத்தில் இடம்பெற்ற மாவட்ட ஒருங்கிணைப்புக் குழு கூட்டத்தில் கிளிநொச்சி மகா வித்தியாலகத்திற்குரிய காணியும் அதனோடினைந்த விளையாட்டு மைதானத்தையும் பாடசாலைக்கு கையளிக்க வேண்டும் என சிறிலங்கா பாராளுமன்ற உறுப்பினர் சி. சிறிதரனினால் தீர்மானம் ஒன்று கொண்டுவரப்பட்டது. இதற்கு பதிலளிக்கும் போதே கிளிநொச்சி இனப்படுகொலை இராணுவத்தளபதி இவ்வாறு தெரிவித்துள்ளார்.அவர் மேலும் தெரிவிக்கையில் படை முகாம்கள் இருப்பது மக்களின் பாதுகாப்புக்கே. எனவே படைமுகைாம்களை அகற்ற முடியாது. கொழும்பு போன்ற இடங்களில் பல பாடசாலைகளில் இருந்து இரண்டு கிலோ மீற்றர் தொலைவிலேயே விளையாட்டு மைதானங்கள் உண்டு எனத் தெரிவித்த தளபதி, தான் விளையாட்டுத்துறை அமைச்சருடன் பேசியதாகவும், கிளிநொச்சி விளையாட்டு மைதானம் புனரமைப்புச் செய்த பின் கிளிநொச்சி மகா வித்தியாலயத்திற்கு பயன்பாட்டிற்கு கையளிக்கப்படும் எனவும் பாடசாலை இல்ல விளையாட்டுப் போட்டிகளை கூட அங்கு நடத்த முடியும் எனவும் குறிப்பிட்டார். அத்தோடு இராணுவ முகாம்களுக்கு ஊடாக பாதை வழங்க முடியாது என்றும் அங்கு பொது மக்கள் மட்டுமல்ல பாராளுமன்ற உறுப்பினர்களும் செல்ல முடியாது அதற்கு அனுமதியில்லை என்றும் திட்டவட்டமாக ஒருங்கிணைப்பு குழு கூட்டத்தில் தெரிவித்தார் கிளிநொச்சி படைகளின் தளபதி ரவிப்பிரிய தெரிவித்துவிட்டார். இதன் போது அங்கிருந்த சிறீதரனும் அவரது அடியாட்களும் வாய்முடி இருந்தது குறிப்பிடத்தக்கது.மக்கள் மத்தியில் கதைக்கும் போது மட்டும் உணர்ச்சி போங்க வீராவேசமாக கதைத்து விட்டு இராணுவத்தினரிடம் மண்டியிட்டிருக்கிறது சிறீதரனின் படையணி். இனப்படுகொலையாளி சிறிலங்கா இராணுவ மேஜா் ஜெனரல் ரவிப்பிாிய 571 பிரிகேட் படையணியின் கட்டளையதிகாரியாக முள்ளிவாய்க்கால் இனவழிப்பு யுத்ததில் பணியாற்றியிருந்தார்.இவர் மன்னார் களமுனையின் முக்கிய கட்டளை அதிகாரியாகவும் 2008ம் ஆண்டு செயற்பட்டார் மன்னார் மக்களின் இடப்பெயர்வுக்கும் இவரே முக்கிய காரணம்.என்பது குறிப்பிடத்தக்கது.