2008/2009 காலப் பகுதியில் பயங்கர தாக்குதல்களையும் , கடத்தல்களையும் மேற்கொண்டு தமிழ்மக்களை இனப்படுகொலை செய்த குழுவை தற்போது பயங்கரவாத ஊடுருவல் குறித்து ஆராவதற்கு இனப்படுகொலையாளி மகிந்த நியமித்துள்ளார்

பயங்கரவாத ஊடுருவல் நகர்வுகள் குறித்து ஆராயவும் பாதுகாப்பை பலப்படுத்தும் முகமாகவும் சிறிலங்காவின் முன்னாள் பாதுகாப்பு செயலாளர் இனப்படுகொலையாளி கோட்டபாய ராஜபக்ஷ தலைமையில் குழுவொன்று உருவாக்கப்பட்டுள்ளது.

இந்த குழுவில் 2008/2009 காலப் பகுதியில் கொழும்பில் வைத்து 11இளைஞர்களை கடத்திச் சென்று தடுத்து வைத்து அவர்களை கொலை செய்ததாக குற்றம் சாட்டப்பட்ட சிறிலங்காவின் முன்னாள் கடற்ப தளபதி வசந்த கரன்னாகொடவும் அடங்குகின்றார்.

நாட்டின் தபோதைய பாதுகாப்பு நடவடிக்கை குறித்து சிறிலங்காவின் எதிர்க்கட்சித் தலைவர் மஹிந்த ராஜபக்ஷ, சிறிலங்காவின் உயர் இராணுவ முன்னாள் தளபதிகள், சிறிலங்காவின் மூத்த பாதுகாப்பு மற்றும் சிறிலங்காவின் பொலிஸ் உத்தியோகத்தர்களை நேற்று சந்தித்து கலந்துரையாடினார்.

இதன்போது நாட்டின் நிலவரம் குறித்து அறிக்கையொன்றினை உடனடியாக அறியத்தர சிறிலங்காவின் எதிர்க்கட்சி தலைவர் மஹிந்த ராஜபக்ஷ பணித்துள்ளார்.

அந்தவகையில் இதற்காக சிறிலங்காவின் முன்னாள் பாதுகாப்பு தளபதிகள் மற்றும் சிறிலங்காவின் புலனாய்வு அதிகாரிகள் ஆகியோரின் அனுபவங்களை பயன்படுத்தி தற்போதுள்ள நிலைமைகளை ஆராய தீர்மானம் எடுக்கப்பட்டு, சிறிலங்காவின் முன்னாள் பாதுகாப்பு செயலாளர் கோட்டபாய ராஜபக்ஷ தலைமையில் குழுவொன்று நியமிக்கப்பட்டுள்ளது.

இதில் பாதுகாப்பு பிரதானி ஜகத் ஜெயசூரிய, முன்னாள் இராணுவ தளபதி தயா ரத்நாயக, முன்னாள் விமானப்படை தளபதி ரோஹான் குணதிலக, முன்னாள் கடற்படை தளபதி வசந்த கரன்னகொட, அட்மிரல் மொஹான் விஜேவிக்கிரம, அட்மிரல் ஜகத் கொலம்பகே, முன்னாள் பொலிஸ்மா அதிபர் மஹிந்த பாலசூரிய, சந்திர பெர்னாண்டோ, முன்னாள் சிரேஷ்ட பிரதி பொலிஸ்மா அதிபர் வகிஷ்த்த, முன்னாள் ஆளுநர் மேஜர் ஜெனரல் சந்திரசிறி ஆகியோர் உள்ளடங்கிய குழு அமைக்கப்பட்டுள்ளது.