இந்தியாவில் தேர்தல் நடந்த 542 மக்களவைத் தொகுதிகளில், காங்கிரஸ் தலைவர் ராகுல் காந்தி போட்டியிடும் அமேதி, பிரதமர் மோடி போட்டியிடும் வாரணாசி, பா.ஜ.க தலைவர் அமித் ஷா போட்டியிடும் காந்தி நகர், சோனியா காந்தி போட்டியிடும் ரேபரேலி ஆகிய தொகுதிகள் அதிக கவனம்பெற்றுள்ளது. இதில், ராகுல் காந்தி அமேதி மட்டுமல்லாது கேரளாவின் வயநாடு தொகுதியிலும் போட்டியிடுகிறார். வயநாட்டில் அவருக்கு எதிராகப் பெரிய வேட்பாளர்கள் யாரும் போட்டியிடாததால், அவர் அங்கு வெற்றிபெற வாய்ப்புகள் அதிகம் உள்ளதாகக் கூறப்படுகிறது. அதே நேரம், உத்தரப்பிரதேசத்தின் அமேதி தொகுதியில் ராகுல் காந்தியை எதிர்த்து பா.ஜ.க சார்பாக ஸ்மிருதி இரானி போட்டியிடுகிறார். அந்தத் தொகுதியில் தற்போது வரை நடைபெற்றுள்ள வாக்குப்பதிவின்படி 5,700 வாக்குகள் அதிகம் பெற்று ஸ்மிருதி இரானி முன்னிலையில் உள்ளார்.