கொழும்பிலிருந்து வவுனியா நோக்கி பயணித்த வான் விபத்துக்குள்ளானதில் ஒருவர் உயிரிழந்துள்ளார். அத்தோடு நால்வர் காயமடைந்துள்ளதாக பொலிஸார் தெரிவித்துள்ளனர். வவுனியா நோக்கிச் சென்ற குறித்த வான் நேற்று (செவ்வாய்க்கிழமை) நொச்சியாகம பாலத்தில் விபத்துக்குள்ளாகியுள்ளது. வவுனியா தவசிக்குளத்தைச் சேர்ந்த விஜயகுமார் தனுசன் (23 வயது) என்ற இளைஞனே இந்த விபத்தில் உயிரிழந்துள்ளார். மேலும் காயமடைந்த நால்வரும் வைத்தியசாலையில் சிகிச்சை பெற்று வருவதுடன், உயிரிழந்தவரின் சடலம் பிரேத பரிசோதனைகளுக்காக நொச்சியாகம வைத்தியசாலைக்கு கொண்டுசெல்லப்பட்டுள்ளது. விபத்து தொடர்பாக நொச்சியாகம பொலிஸார் மேலதிக விசாரணைகளை முன்னெடுத்து வருகின்றனர். படங்கள் நன்றி ஆதவன் இணையம்