Take a fresh look at your lifestyle.

தமிழீழ தேசியத் தலைவரை தப்பாக ஒப்பிட்ட மைத்திரிக்கு சூடான கருத்துச் சொன்ன ஹக்கீம்

 

தமிழின அழிப்பை மேற்கொண்டவர்களில் ஒருவரான ஶ்ரீலங்கா ஜனாதிபதி மைத்திரி முஸ்லிம்களின் மத்தியிலிருந்து ஒரு பிரபாகரன் உருவாக முடியும் என தெரிவித்திருப்பது அபத்தமான ஒன்று என ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம் தெரிவித்துள்ளார்.இந்திய ஊடகமொன்றிற்கு வழங்கிய விசேட செவியிலேயே அவர் இதனை குறிப்பிட்டுள்ளார்.குறித்த ஊடகத்திற்கு அவர் மேலும் தெரிவித்ததாவது,

ஶ்ரீலங்கா தற்கொலைதார கும்பலிலிருந்து யாரும் தேசியத் தலைவர்  பிரபாகரன் ஆகிவிட முடியாது. தேசியத் தலைவர்  பிரபாகரன் அவர்களிற்கு என ஒரு ஆதரவு தளமிருந்தது. அரசியல் கொள்கை இருந்தது, அவருக்கென்று விடுதலைப்போராட்டம் என்ற ஒன்று வடிவமைக்கப்பட்டிருந்தது. ஆனால் இந்த ஶ்ரீலங்கா  தற்கொலைத்தார கும்பலுக்கென்று எதுவுமே கிடையாது. இவர்களுக்கு இந்த ( முஸ்லிம் ) சமூகத்திடமிருந்து எந்த ஆதரவும் கிடையாது. அப்படியான கும்பல் பிரபாகரன் என்கிற அந்தஸ்த்திற்கு வந்து விடுவார்கள் என்று அச்சப்படுகின்ற அதீதமான அச்சப்போக்கு அபத்தமானது என அவர் மேலும் தெரிவித்திருந்தார்.