எதிர்வரும் ஶ்ரீலங்கா ஜனாதிபதித் தேர்தலில் போட்டியிடுமாறு தன்னிடம் பல்வேறு தரப்பினர் கோரிக்கை விடுத்து வருவதாக ஆதிவாசிகளின் தலைவர் வனஸ்பதி ஊருவரிகே வன்னியலேத்தோ தெரிவித்துள்ளார். ஆதிவாசிகளின் தலைவரது 72 வது பிறந்த தினம் நேற்று கொண்டாடப்பட்டது. இதனை முன்னிட்டு தம்பாணையில் பௌத்த சமய நிகழ்வுகள் இடம்பெற்றன. பலர் தமது பிறந்த நாளை கொண்டாடும் போது மதுபான விருந்துகளை வைக்கின்றனர். எனினும் நான் தலைவராக பதவி வகிக்கும் தம்பாணை மாவரகல விகாரையில் உள்ள இளம் பிக்குகளுடன் இணைந்து மரங்களை நாட்டும் நிகழ்வில் கலந்து கொண்டுள்ளேன். நாங்கள் விகாரை பூமியில் 100 மரங்களுக்கான செடிகளை நாட்டினோம். நாட்டின் கலாசாரம் மற்றும் சுற்றாடலை நேசிக்கும் நபர் நாட்டின் தலைவராக வர வேண்டியது அத்தியாவசியமானது. அப்படியில்லை என்றால் எந்த நாட்டையும் கட்டியெழுப்ப முடியாது. நாடாளுமன்றமும் ஆட்சியாளர்களும் பென்சில் மற்றும் அழி இறப்பருக்கு சண்டையும் சிறிய பிள்ளைகளை போல் செயற்படுகின்றனர். இது மிகவும் மோசமானது எனவும் ஆதிவாசிகளின் தலைவர் குறிப்பிட்டுள்ளார்.