வடதமிழீழப் பகுதிகளில் பணிபுரியும் அதிகாரிகளை பொதுவெளியில் கீழ்த்தரமான வார்த்தைகளால் சிங்கள சேவகர் சுரேன் ராகவன் நிந்திப்பதாக தெரியவருகிறது. அதேவேளை ஶ்ரீலங்கா பேரினவாத அரசாங்கங்களால் நியமிக்கப்பட்ட ஆளுனர்கள் அனைவரும் அரச அதிகாரிகளை பொதுவெளியில் கௌரவத்துடன் நடாத்தியதாகதாகவே பலரும் தெரிவிக்கின்றனர். இன அழிப்பு ஶ்ரீலங்கா இராணுவத்தில் பணிபுரிந்து பின்னார் வடக்கின் ஆளுனராக இருந்த சந்திரசிறிகூட எவரையும் நாய்கள் என்றோ குரங்குகள் என்றோ குறிப்பிட்டு பொதுவெளியில் அவமரியாதை செய்ததாக குற்றம் சாட்டப்பட்டிருக்கவில்லை. ஆனால் பௌத்தத்தில் பாண்டித்தியம் பெற்ற கலாநிதியாக அறிமுகமான சிங்கள சேவகரான தற்போதைய தமிழ்பேசும் ஆளுனரோ பௌத்தம் போதிப்பதற்கு மாறாக வன்சொற்களையும் வசவுகளையுமே தமது அதிகாரிகள் மீது தாராளமாகப் பிரயோகித்து வருவது காணொளிகளாக அவரது முகநூல் பக்கத்திலேயே பதிவேற்றப்பட்டுள்ளது.