மன்னார் மடு திருத்தலத்தின் ஆடி மாத திருவிழா திருப்பலி இன்று செவ்வாய்க்கிழமை காலை முப்படையினரின் விசேட பாதுகாப்புக்கு மத்தியில் இடம் பெற்றது. மடு திருத்தலத்தின் ஆடி மாத திருவிழா திருப்பலி இன்று 6.15 மணியளவில் மன்னார் மறைமாவட்ட ஆயர் கலாநிதி இம்மாணுவேல் பெர்னாண்டோ ஆண்டகை தலைமையில் திருவிழா திருப்பலி கூட்டுத்திருப்பலியாக ஒப்புக்கொடுக்கப்பட்டது. இதன்போது ஸ்ரீலங்காப்படையினர் பாதுகாப்பு கடமைகளில் ஈடுபட்டுள்ளார்கள். இந்த முறை திருவிழாவிற்கு வடக்கின் பல பாகங்களிலும் இருந்து பக்த்தர்கள் சென்றுள்ள நிலையில் ஸ்ரீலங்கா படையினர்,பொலீசார்,கடற்படையினர்,மற்றும் புலனாய்வாளர்கள் மடு ஆலய வளாகத்தில் தீவிர கண்காணிப்பில் ஈடுபட்டுள்ளார்கள்.