யாழ்ப்பாணம் மந்திகை ஆதார மருத்துவமனைக்குள் புகுந்து இனந்தெரியாத நபர்கள் நடத்திய தாக்குதல் சம்பவத்தைக் கண்டித்தும், மருத்துவமனையின் பாதுகாப்பை உறுதிப்படுத்தக் கோரியும், மருத்துவர்கள் மற்றும் தாதியர்கள், நோயாளர்கள், மருத்துவமனைக்கு முன்னால் ஒன்றுகூடி தற்போது ஆர்ப்பாட்டத்தில் ஈடுபட்டுள்ளனர். நேற்று இரவு பருத்தித்துறை ஆதார மருத்துவ மனையில் சிகிச்சைக்காக அனுமதிக்கப்பட்டிருந்தவர்மீது வாள்கள் கொண்ட கும்பல் ஒன்று மருத்துவமனைக்குள் புகுந்து அவரை தாங்கியுள்ளதுடன் அங்கிருந்த அரச உத்தியோகத்தர்கள் மீதும் தாக்குதல் நடத்தப்பட்டுள்ளது இந்தச் சம்பவத்தைக் கண்டித்தே தற்போது ஆர்ப்பாட்டம் ஒன்று மேற்கொள்ளப்பட்டுள்ளது. வைத்தியசாலை ஊழியர்கள் தாதியர்கள் ஆகியோர் ஒன்றிணைந்து தங்கள் பாதுகாப்பினையும் மருத்துவமனையின் பாதுகாப்பினையும் உறுதிப்படுத்துமாறு கோரி ஆர்ப்பாட்டம் ஒன்றினை மேற்கொண்டுள்ளார்கள். இதேவேளை மருத்துவமனைக்கு பொலீஸ் பாதுகாப்பு போடப்படவேண்டும் என்றும் கோரிக்கை விடுத்துள்ளார்கள். இந்த ஆர்ப்பாட்டத்தினால் இன்று மருத்துவமனைக்கு சென்ற நோயாளர்கள் மருந்துகளை எடுப்பதில் பல்வேறு சிரமங்களை எதிர்கொண்டுள்ளார்கள்.