குருநாகல் போதனை வைத்தியசாலை மருத்துவர் ஷாபிக்கு எதிராக வழக்கு விசாரணை செய்யும் நீதவான் சம்பத் கரியவசத்தின் மனைவி, குருநாகல் வைத்தியசாலையில் மருத்துவர் எனத் தெரியவருகின்றது. இவ்வாறான ஓர் பின்னணியில் நீதவான் சம்பத்திடமிருந்து பக்கச்சார்பற்ற நிலைமையை எதிர்பார்ப்பது சற்றே கடினமானது என தெரிவிக்கப்படுகிறது. பக்கச்சார்பான நிலைமைக்கும் நீதியின் பக்கத்திற்கும் இடையிலான முரண்பாட்டு நிலைமையே இதுவாகும் என சுட்டிக்காட்டப்பட்டுள்ளது. சர்ச்சைக்குரிய குருநாகல் வைத்தியசாலை வைத்தியர் செய்கு சிஹாப்தீன் முஹம்மத் ஷாபி தொடர்பான வழக்கு கடந்த 11ம் திகதி நீதிமன்றத்தில் விசாரணைக்கு எடுத்துக் கொள்ளப்பட்ட போது. வைத்தியர் ஷாபியை தடுத்து வைத்து விசாரிக்கும் உத்தரவு அகற்றிக் கொள்ளப்பட்டுள்ள நிலையில், அவருக்கு எதிரான குற்றச்சாட்டுக்கள் எதுவும் நிரூபிக்கப்படாத போதும் அவரை விடுதலை செய்வதற்கு மாறாக, விளக்கமறியலில் வைக்குமாறு குருநாகல் பிரதான நீதவான் சம்பத் ஹேவாவசம் உத்தரவு பிறப்பித்தார். இந்த நீதவான் சம்பத் ஹேவாவசத்தின் மனைவி ரோஷினி ஜயசிங்க ஹேவாவசம் என்பவர் குருநாகல் வைத்தியசாலையில் கடமை புரிவதோடு வைத்தியர் ஷாபியுடன் காணப்படும் பகையின் காரணமாக அவரை பழிவாங்கும் நோக்கில், தனது கணவர் மூலம் இந்த விளக்கமறியல் தண்டனையை வழங்கி உள்ளதாக தகவல்கள் வெளியாகியுள்ளன. இந்த விடயமானது மனைவி விரும்பிய உணவை கணவர் வீட்டுக்கு வாங்கி செல்வது போல, மனைவியை சந்தோஷப்படுத்துவதற்காக குருநாகல் பிரதான நீதவான் வைத்தியர் ஷாபியின் வழக்கை மனைவிக்கான ருசியான உணவாக வழங்கியுள்ளதை சட்டம் அறிந்த பொதுமக்கள் விளங்கிக் கொள்வர். அதுமாத்திரமன்றி, இந்த வழக்கில் பிரதான நீதவான் புதிய சட்டங்கள் சிலவற்றைப் செயல்படுத்தி உள்ளார். வழக்கின் சாட்சிகள் அல்லது பங்குதாரர் அல்லாத குருநாகல் வைத்தியசாலையின் பணிப்பாளரான சரத் வீரபண்டார என்ற பல் வைத்தியருக்கு வழக்கு விசாரணையின் போது கருத்து வெளியிட சந்தர்ப்பம் வழங்கியது ஏன்?. இது சட்டவிரோத செயல் என்று அறிந்த நீதவான் சரத் வீரபண்டாரவின் வாக்குமூலத்தை வழக்கு அறிக்கையிலிருந்து நீக்குவதற்கான ஆலோசனையை பிறப்பித்துள்ளார். இது வழக்கு ஆவணப்படுத்தும் உத்தியோகத்தரின் கருத்து மூலம் அம்பலமாகி உள்ளது. மற்றும் ஒரு மோசமான நடவடிக்கையானது சரத் வீரபண்டார மற்றும் அத்துரலிய ரத்ன தேரர் ஆகியோர் குற்றப்புலனாய்வுத் திணைக்கள அதிகாரிகளுக்கு இடையூறு விளைவித்ததாக குற்றச்சாட்டுக்கள் முன்வைக்கப்பட்ட போதும் நீதவான் அது குறித்து எவ்வித நடவடிக்கையும் எடுக்கவில்லை. மற்றுமொரு முக்கியமான சம்பவம் சுகாதார அமைச்சினால் வைத்தியர் ஷாபி குறித்து விசாரணை செய்ய நியமிக்கப்பட்ட குழுவை இரத்து செய்த நீதவான், தனக்கு தேவையான வைத்தியர்களை பெயரிட்டு குழு ஒன்றை அமைத்துள்ளதாகவும் சுகாதார அமைச்சன் விசாரணைக் குழுவில் விசேட வைத்திய நிபுணர்கள் அடங்கி இருந்த போதும் அது குறித்து, வழக்கு விசாரணையின் போது எதிர்தரப்பினரால் விமர்சனங்கள் எதுவும் முன்வைக்கப்படவில்லை. புதிய விசாரணைக் குழுவை நியமிக்குமாறு எந்த ஒரு தரப்பினரும் நீதவானிடம் கோரிக்கை மனு வைக்கவும் இல்லை. ஏற்கனவே திட்டமிட்ட அடிப்படையில் நீதவான் இந்த புதிய விசாரணைக் குழு அறிவிப்பை விடுத்துள்ளார். இதன்மூலம் நீதவான் வழக்கு விசாரணை செய்வதற்கு முன்னரே எடுக்கப்பட வேண்டிய தீர்மானம் குறித்து திட்டமிட்டு இருந்தமை தெளிவாகிறது. அவ்வாறு செய்வதற்கு நீதவான் ஒருவருக்கு அதிகாரம் இல்லை. இது மிகவும் பாரதூரமான சட்ட மீறல் செயலாகும். மேற்கூறிய பக்கச்சார்பான நீதவான் சம்பத் ஹேவாவசம் குறித்து நீதிச்சேவை ஆணைக்குழு உடனடியாக தீர்மானம் ஒன்றை எடுக்க வேண்டும். இந்த வழக்கானது இலங்கை சட்டத்துறையில் கருப்பு எழுத்துக்களால் எழுதப்பட்ட வேண்டிய ஒன்றாகும். அதற்கு காரணம் வெறுமனே குற்றவாளி சந்தேகநபர் என வதந்திகளை பரப்பி, அந்த வதந்திகளை உறுதிப்படுத்தாமல், ஆதாரங்கள் இன்றி வைத்தியர் ஒருவரை விளக்கமறியலில் வைத்துள்ளனர். இந்த சம்பவமானது கொலை ஒன்று செய்யாமல் 'கொலைகாரன்' என்று குற்றம் சுமத்தி நபரொருவரை சிறைக்கு அனுப்புவதற்கு ஒப்பானதாகும். குற்றம் இடம்பெற்றதா? என்று ஆராய்ந்து உறுதிப்படுத்தப்பட்ட பின்னரே வைத்தியர் ஒருவர் சிறைக்கு அனுப்பப்பட வேண்டும். விசாரணை நடத்த முறையான குழு ஒன்று இல்லை. வெறும் வாய்மூல குற்றச்சாட்டுக்கள் மூலம் நபர் ஒருவரை சிறையில் வைக்க முடியுமா? இந்த வழக்கினை தாக்கல் செய்த குருநாகல் மாவட்ட பிரதிப் பொலிஸ் மா அதிபர் கித்சிரியின் மனைவியும் குருநாகல் வைத்தியசாலையில் வைத்தியராக கடமை புரிவதோடு, அவரும் வைத்தியர் ஷாபிக்கு எதிரானவர். வழக்கினை விசாரிக்கும் நீதிபதியின் மனைவியும் குருநாகல் வைத்தியசாலையில் வைத்தியராக கடமை புரிகிறார். இவரும் வைத்தியர் ஷாபிக்கு எதிரானவர். இந்த இரண்டு வைத்தியர்களும் வைத்தியர் ஷாபி மீது உள்ள தங்களது தனிப்பட்ட வெறுப்புக்களை அரச துறையில் உள்ள கணவர்கள் மூலம் பழிவாங்கிக் கொண்டிருக்கின்றனர்.