பருத்தி நூல் உற்பத்தி விலை 6.3 சதவீதம் அதிகரித்துள்ளது , பிற நூல்களின் விலை 18% அதிகரித்துள்ளது. ஒட்டுமொத்தமாக நூற்பாலைகள் உற்பத்தி விலை 9.6 சதவீதம் அதிகரித்துள்ளது. மூலப்பொருட்களின் விலை ஏற்றம் இந்தியா ஏற்றுமதி சந்தையில் மற்ற நாடுகளுடன் போட்டி போட முடியாத நிலைக்கு தள்ளியுள்ளது. இவ்வளவு வேலை இழப்புகள் ஜவுளி உற்பத்தித் துறையில் நடந்தும் குறிப்பாக தமிழ்நாடு மிகப்பெரிய அளவில் பாதிக்கப்பட்டிருக்கிறது என்ற போதும் இது குறித்தான ஆரோக்கியமான விவாதங்கள் எங்கும் நடந்ததாக தெரியவில்லை. தமிழர்களை உற்பத்தி துறையில் இருந்து வெளியேற்றும் வேலைகள் மிக வேகமாக நடந்து வருகின்றது. அனைத்து துறைகளும் அதலபாதாளத்தில் போய்க் கொண்டிருக்கும் போது மக்களை இதை குறித்து பேச விடாமல் திட்டமிடப்பட்டு சாதி மதப் பிரச்சினைகள் தூண்டி விடப்படுகின்றன.. ஒவ்வொரு முறையும் திசை திருப்பி வேறு பிரச்சினைகளில் மக்களை பரபரப்பாக வைத்திருக்க புதுப்புது செய்திகள் உருவாக்கப்படுகின்றன. இன்று சிதம்பரம் நாளை வேறாக இருக்கலாம்.