இன்று தொடர்ச்சியாக 5 ம் நாளாக தமிழின அழிப்பிற்கு நீதி வேண்டி ஐரோப்பிய ஒன்றியத்தின் முன் 04.09.2019 அன்று ஆரம்பிக்கப்பட்ட மனிதநேய மிதிவண்டிப் பயணமானது இன்று 08.09.2019 யேர்மனிய நாட்டின் எல்லையில் இருந்து அகவணக்கத்தோடு ஆரம்பித்து தன் இன்றைய பயணத்தில் 85 Km தொலைவு கடந்து Saarbrücken மாநகரத்தை கொட்டும் மழையின் ஊடாக வந்தடைந்தது.   Saarbrücken மாநகர தமிழ் மக்கள் மனிதநேய மிதிவண்டிப் பயணாளர்களை உற்சாகத்தோடும் எழுச்சியோடும் வரவேற்றனர் என்பது குறிப்பிடத்தக்கது. தொடர்ச்சியாக அம்மக்களுக்கு மனிதநேய மிதி வண்டிப் பயணத்தில் தாம் பெற்ற அனுபவம் மற்றும் கடந்து வந்த முக்கிய அரசியல் சந்திப்புக்கள் பற்றியும் விளக்கப்பட்டு , வரும் 16ம் திகதி அன்று ஐக்கிய நாடுகள் சபை முன்றலில் நடைபெற இருக்கும் மாபெரும் கவனயீர்ப்பு பேரணிக்கான அழைப்பும் விடுக்கப்பட்டது.