14.09.19 முல்லைத்தீவு பரந்தன் வீதியில் வள்ளிபுனம் காளிகோவிலடிப்பகுதியில் முல்லைத்தீவு நோக்கி சென்று கொண்டிருந்த டிப்பர்வானம் மோதித்தள்ளியதில் இரண்டு வாகனங்கள் சேமடைந்துள்ளன.

இது தொடர்பில் தெரியவருகையில் பரந்தன் பகுதியில் இருந்து வேகமாக வந்த டிப்பர் வானம் ஒன்று வேகத்தினை கட்டுப்படுத்த முடியாமல் வீதியினை விட்டு விலகி முல்லைத்தீவில் இருந்து பரந்தன் நோக்கி சென்றுகொண்டிருந்த முச்சக்கர வண்டியினை உரசி தள்ளிவிட்டு அதேபாதையில் பயணத்த கூலர் வாகனம் ஒன்றினையும் மோதித்தள்ளிவிட்டு வீதியினை விட்டு விலகியுள்ளது.

இதன்போது வீதிபோக்குவரத்து சமிக்ஞைகளை மோதி தள்ளியுள்ளது.

இதன்போது முச்சக்கர  வண்டியில் பயணித்தவர்கள் தெய்வாதீனமாக உயிர்தப்பியுள்ளதாக தெரிவித்துள்ளார்கள்.

இந்த சம்பவத்தினை தொடர்ந்து குறித்த பகுதிக்கு வந்த புதுக்குடியிருப்பு பிரிவு வீதிபோக்குவரத்து பொலீசார் விபத்து தொடர்பில் பதிவுகளை மேற்கொண்டுள்ளார்கள்.

முல்லைத்தீவு வீதிஊடாக மணல் ஏற்றும் குறித்த விபத்தினை ஏற்படுத்திய டிப்பர் அபிசாவளைமுகவரியினை கொண்டுள்ளமை குறிப்பிடத்தக்கது