கடந்த 18.09.19 அன்று கொடிகாமம் பகுதியில் இடம்பெற்ற விபத்தில் உயிரிழந்த தமிழ்தேசிய மக்கள் முன்னணியின் புதுக்குடியிருப்பு பிரதேச சபை உறுப்பினரும் சமாதான நீதவானுமான ஏரம்பு இரத்தினவடிவேல் அவர்களின் இறுதி வணக்க நிகழ்வு புதுக்குடியிருப்பு பிரதேச சபை பொது விளையாட்டு மைதானத்தில் 22.09.19 அன்று நடைபெற்றுள்ளது.

யாழ்ப்பாணம் சுப்பர் மடத்தினை சேர்ந்த ஏரம்பு இரத்தின வடிவேல் அவர்களின் உடலம் யாழில்உள்ள அவரது வீட்டில் வைக்கப்பட்டு இறுதி நிகழ்விற்காக உடலம் முல்லைத்தீவு புதுக்குடியிருப்பு பிரதேச சபை மைதானத்தில் 22.09.19 அன்று மக்கள் வணக்கத்திற்காக வைக்கப்பட்டு மலர்வணக்கம் நினைவுரைகளை தொடர்ந்து தேவிபுரம் கணேசா கல்வி நலையத்தில் கிராம மக்களின் இறுதி வணக்கத்திற்காக வைக்கப்பட்டு அங்கு மக்கள் வணக்கம் செலுத்தப்பட்டுள்ளதை தொடர்ந்து தேவிபுரம் பகுதியில் உள்ள அவரின் இல்லத்தில் வைக்க்பபட்டு உடலம் தேவிபுரம் இந்து மயானத்தில் நல்லடக்கம் செய்யப்பட்டுள்ளது.

புதுக்குடியிருப்பு பிரதேச சபை பொது விளையாட்டு மைதானத்தில் நடைபெற்ற தமிழ்தேசிய மக்கள் முன்னணியின் ஏற்பாட்டாளர் கிந்துஜன் தலைமையில் நடைபெற்ற நிகழ்வில் வன்னிமாவட்ட பாராளுமன்ற உறுப்பினர் சாள்ஸ் நிர்மலநாதன்,தமிழ்தேசிய மக்கள் முன்னணியின் செயலாளர் செ.கஜேந்திரன்,கட்சியின் அமைப்பாளர் மணிவண்ணன் மகளீர் அணி தலைவி வாசுகி சுதாகரன், புதுக்குடியிருப்பு பிரதேச சபை தவிசாளர் செ.பிறேமகாந்,துணுக்காய் பிரதேச சபை தவிசாளர் அமிர்தலிங்கம்,கரவெட்டி பிரதேச சபை உறுப்பினர் சேரன் சிவராசா, த.சுரேஸ் தமிழ்தேசிய மக்கள் முன்னணியின் மட்டக்களப்ப மாவட்ட அமைப்பாளர், மற்றும் பிரதேச சபையின் உறுப்பினர்கள் வர்த்தக சங்கத்தினர் பொதுமக்கள் பிரதேச சபை உத்தியோகத்தர்கள்  என பெருமளவானவர்கள் கலந்து கொண்டு இறுதி வணக்கம் செலுத்தியுள்ளார்கள்