இந்திய மகளிர் கிரிக்கெட் அணியின் கேப்டன் மிதாலி ராஜ், தமிழ் என் தாய்மொழி, தமிழ் என் தாய் மொழி.. நான் தமிழ் நன்றாக பேசுவேன்.. தமிழனாய் வாழ்வது எனக்கு பெருமை என ட்விட்டரில் தமிழில் பதிவிட்டிருப்பதற்கு ஆரவாரமான வரவேற்புகள் குவிகின்றன. தென்னாப்பிரிக்கா மகளிர் கிரிக்கெட் அணிக்கு எதிரான தொடரை இந்திய அணி வென்றது. இந்திய அணியின் கேப்டன் மிதாலி ராஜூக்கு வாழ்த்துகள் குவிந்து வருகின்றன. இது தொடர்பான ட்விட்டர் பதிவு ஒன்றில், மிதாலிக்கு தமிழ் தெரியாது; தெலுங்கு, இந்தி, ஆங்கிலம்தான் தெரியும் என குறிப்பிடப்பட்டிருந்தது. இதற்கு பதிலளிக்கும் வகையில். தமிழ் என் தாய் மொழி.. நான் தமிழ் நன்றாக பேசுவேன்.. தமிழனாய் வாழ்வது எனக்கு பெருமை எனதமிழில் பதிவிட்டிருந்தார்.