பளு தூக்கும் போட்டி முல்லைத்தீவு மாணவி அபார சாதனை.!

திகதி: 19 Oct, 2019

இலங்கை தேசியரீதியாக பளுதூக்கும் போட்டி பொலநறுவையிலுள்ள றோயல் கல்லூரியில் நடைபெற்றது. இப் போட்டியில் 59 கிலோ எடைப் பிரிவில் யாரும் எதிர்பாராத வகையில் வட தமிழீழம் , முல்லைத்தீவு தண்டுவான் வித்தியாலய மாணவி செல்வரதன் ரிசபா முதலிடத்தப் பெற்றுக்கொண்டார். போரினால் மிகவும் கடுமையாகப் பாதிக்கப்பட்ட பின்தங்கிய கிராமத்திலிருந்து பங்குபற்றி தன்னுடன் பங்குபற்றிய இலங்கையின் மிகப் பிரபல்யமான பாடசாலைப் போட்டியாளர்களைப் பின்தள்ளி தனது அபாரத்திறமையை வெளிக்காட்டி வெற்றியீட்டியுள்ளமை பாராட்டுதலுக்குரியது. இவ்வெற்றிக்குத் துணைநின்ற பயிற்சியாளர்களும் பாராட்டுதலுக்குரியவர்களே.

வெற்றியீட்டிய ரிசபா மிகவும் வறுமைக்குட்பட்ட குடும்பத்திலிருந்து வருகை தந்துள்ளார். முறையான பயிற்றுவிப்பும் ¸ நவீன பயிற்சி உபகரணங்களும் இருப்பின் அவரது சாதனைகள் தேசிய மட்டம் மட்டுமன்றி உலகளவிலும் வெளிப்படுத்தப்படும்.

எம்மவர் நிகழ்வுகள்