ஜம்மு காஷ்மீர் மாநிலத்தில் எல்லைப்பகுதியில் பாகிஸ்தான ராணுவம் அத்துமீறி நடத்திய தாக்குதலில் இந்திய ராணுவ வீரரகள் இரண்டு பேர் மற்றும் பொதுமக்கள் ஒருவர் என 3 பேர் உயிரிழந்தனர். ஜம்மு காஷ்மீர் மாநிலத்தில் அடிக்கடி அத்துமீறி தாக்குதல் நடத்துவதை பாகிஸ்தான் ராணுவம் வாடிக்கையாக வைத்துள்ளது. தீவிரவாதிகளை வேறு பகுதியில் ஊடுருவ வைப்பதற்காக பாகிஸ்தான் ராணுவம் இந்திய நிலைகள் மீது அவ்வப்போது துப்பாக்கிச்சூடு நடத்தி கவனத்தை திருப்பும் செயலில் ஈடுபடும். இதற்கு இந்திய ராணுவம் தக்க பதிலடி கொடுக்கும். இதனால் இரு தரப்புக்கும் இடையே மோதல் ஏற்படும். இந்த மோதலில் சில நேரங்களில் இரு தரப்புக்குமே உயிர் சேதங்களும் ஏற்படும். இந்நிலையில் ஜம்மு காஷ்மீர் மாநிலம் குப்வாரா மாவட்டத்தில் உள்ள தங்கார் பகுதியில் பாகிஸ்தான் ராணுவத்தினர் அத்துமீறி இந்திய நிலைகள் மீது தாக்குதல் நடத்தினர். இதில் இந்திய ராணுவ வீரர்கள் இரண்டு பேர் மற்றும் பொதுமக்கள் ஒருவர் என 3 பேர் உயிரிழந்தனர். இந்த தாக்குதலில் பொதுமக்கள் 3 பேர் காயமடைந்தனர். பாகிஸ்தான் ராணுவம் நடத்திய இந்த அத்துமீறிய தாக்குதலில் 2 வீடுகள் சேதம் அடைந்துள்ளன. இந்த தகவலை ஜம்மு காஷ்மீர் போலீசார் தெரிவித்துள்ளனர்.