வட தமிழீழம் , யாழ்ப்பாணம் சர்வதேச விமானநிலையத்தின் பெயரை ஆறுமுக நாவலர் விமான நிலையம் என மாற்றப்பட வேண்டுமென கூறியுள்ளது சிவசேனை. அலையென வந்த அந்நியப் பண்பாட்டு படையெடுப்பைத் தனியொருவனாய் ஈழத்தில் தடுத்தவர். ஓடங்களில், வள்ளங்களில், படகுகளில், தோணிக்களில் வடகடலை கடந்து தமிழகம் சென்று மீண்டவர். மாட்டு வண்டிகளில், குதிரை வண்டிகளில் ஈழத்திலும் தமிழகத்திலும் தெருத்தெருவாக அலைந்தவர். இதையெல்லாம் செய்தவர் ஆறுமுக நாவலர். யாழ்ப்பாணம் சர்வதேச விமான நிலையம் வந்து விட்டதே என தமிழர்கள் மகிழ்கிறார்கள். ஆறுமுக நாவலர் சர்வதேச விமான நிலையம் என தமது விமான நிலையத்தை அழைக்க ஈழத்தமிழர்கள் விரும்புகிறார்கள். சைவ தமிழ் அமைப்புகள் ஒரே குரலில் இலங்கை அரசுக்கு இந்த வேண்டுகோளை வைப்பதால், இந்த மண் பெற்றெடுத்த பயணப் பெருமகன், நடைபுகழ் நாவலர் அனைத்துலக ஆறுமுகநாவலர் ஆவார். இவாறு சிவசேனை செய்திக்குறிப்பில்  கூறப்பட்டுள்ளது