முல்லைத்தீவு-புதுக்குடியிருப்பு, சுகந்தபுரம் பகுதியில் தனியார் இடமொன்றில் மீட்கப்பட்ட மனித எச்சங்கள் தொடர்பாக நாளை மறுதினம் இறுதி தீர்ப்பு வழங்கப்படும் என தெரிவிக்கப்பட்டுள்ளது.

கடந்த சில தினங்களுக்கு முன்பாக குறித்த நிலத்தை நில உரிமையாளர் தோண்டியபோது மனித எச்சங்கள் மீட்க்கப்பட்டதாக கூறப்பட்டது.

இந்த சம்பவம் தொடர்பாக முல்லைதீவு பொலிஸாரினால் நீதிமன்றத்திற்கு தகவல் வழங்கப்பட்டுள்ளது.

நீதிமன்ற தீர்ப்பின் பின்னர் குறித்த இடத்தில் அகழ்வுப் பணிகளை மேற்கொள்ளவுள்ளதாக பொலிஸார் தெரிவித்திருந்தனர்.

இதற்கமைய தீர்ப்பு வரும் வரை நிலத்தை பாதுகாக்குமாறு நீதிமன்றம் பொலிஸாருக்கு உத்தரவிட்டுள்ளது.