மீரிகம – பல்லேவெல பகுதியில் வீட்டில் சுய தனிமைப்படுத்தப்பட்டிருந்த நபர் ஒருவர் உயிரிழந்துள்ளதாக மீரிகம சுகாதார வைத்தியர் தெரிவித்துள்ளார்.

சம்பவத்தில் 68 வயதான நபரே இவ்வாறு உயிரிழந்துள்ளார் என அவர் மேலும் தெரிவித்துள்ளார்.

இந்நிலையில் குறித்த நபரின் உடல் பிரேதப் பரிசோதனைக்காக வாதுபிட்டிவல வைத்தியசாலைக்குக் கொண்டு செல்லப்பட்டுள்ளது.

அப் பகுதியில் அமைந்துள்ள ஆடைத் தொழிற்சாலையில் பணிபுரியும் பெண் ஊழியர் ஒருவர் கொரோனா தொற்றாளராக அடையாளம் காணப்பட்டதையடுத்து அங்குள்ள சில வீடுகளில் வசிப்பவர்கள் சுய தனிமைப்படுத்தப்பட்டனர்.

இவ்வாறு சுயதனிமைப்படுத்தப்பட்ட நபர் ஒருவரே உயிரிழந்துள்ளதாக தெரிவிக்கப்படுகின்றது.

இதேவேளை தென்னிலங்கையில் பல பகுதிகளில் இதேபோன்று பலர் உயிரிழந்துள்ள நிலையில், அவர்கள் கொரோனா காரணமாக உயிரிழந்திருக்கலாம் என அச்சம் வெளியிடப்பட்டுள்ளமை குறிப்பிடத்த்க்கது.