மதுரை ஆதினத்தின் 292 ஆவது ஆதினகர்த்தராக இருந்த மகா சன்னிதானம் அருணகிரிநாதர் இயற்கையில் நிறைந்தார்.

காஞ்சி சங்கர மடத்துக்கு நேர்

எதிரானதாக ஆதினமாக ஓர் நவீன வரலாற்றை தொடங்கிவைத்த 

சைவப் பெரியார் குன்றக்குடி அடிகளாரைப் போல வடமொழி எதிர்ப்பு, வைதீக எதிர்ப்பு, இந்து மத மறுப்பு போன்ற தமிழ் மண்ணுக்கே உரிய சிந்தனைகளை கொண்டவராக இறைப் பணியாற்றியவர். 

தமிழ் மொழி, மண், மக்களின் உரிமைகளுக்காக தொடர்ந்து குரல் கொடுத்துவந்தவர். 

மற்ற மௌன மடச்சாமிகள் போலல்லாது பல மீத்தேன் - அணு உலை - காவிரி நீர் உரிமை போன்ற மக்கள் பிரச்னைகளில் தனது எதிர்ப்பை பதிவு செய்தவர். 

தமிழீழம் - தமிழீழ புலிகள் இயக்கத்தின் தீவிர ஆதரவாளராக கடைசிவரை திகழ்ந்தவர். இதனால் சமஸ்கிருத பொறுக்கி சுப்ரமணியன் சுவாமி போன்றோரின் கடும் வசவுகளை எதிர்க்கொண்டவர் என்பது குறிப்பிடத்தக்கது.

தமிழகத்தின் பழமையான சைவ மடங்களில் ஒன்று மதுரை ஆதீனம். மதுரை ஆதீனத்தின் 292வது குருமகா சந்நிதானமாக இருந்துவந்தார் அருணகிரிநாதர். 

இந்த மடத்தின்கீழ் தஞ்சை மாவட்டம் கஞ்சனூர் அக்னீஸ்வர சுவாமி கோவில், திருப்புறம்பியம் காசிநாத சுவாமி கோயில், கச்சனம் கைசின்னேஸ்வர சுவாமி கோயில் உள்ளிட்ட பல கோயில்கள் உள்ளன. இந்த ஆதீனத்துக்குச் சொந்தமாக பல ஆயிரம் ஏக்கர் நிலங்களும் உள்ளன.

இந்த ஆதீனத்தின் 292-வது குருமகா சந்நிதானமான அருணகிரிநாதருக்கு வயது முதிர்வு காரணமாக கடந்த 9ம் தேதி திடீர் உடல்நலக்குறைவு ஏற்பட்டது. இதையடுத்து உடனடியாக மதுரையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்றுவந்த அவரது உடல்நிலை கவலைக்கிடமாக இருந்த நிலையில், அவர் காலமானார். அவருக்கு வயது 77.