தமிழகத்தில் ஈழத் தமிழர் படும் துயரம்- பத்திரிக்கையாளர் சந்திப்பு

வாருங்கள் தமிழர்களே!

பேசுபொருளாக்குவோம்

தமிழகத்தில் உள்ள ஈழ தமிழர்கள் பிரச்சனையை...

செய்தியாளர் சந்திப்பு அழைப்பு

இலங்கையில் நடந்த இனப்படுகொலையையொட்டி தமிழகத்திற்கு தப்பி வந்து ஈழத் தமிழர்கள் பலர் 20 முதல் 30 ஆண்டுகளாக முகாம்களில் அடைக்கப்பட்டுள்ளனர்.

தமிழகத்தில் உள்ள 110 முகாம்களில் தங்க வைக்கப்பட்டுள்ள ஈழத்தமிழர்களுக்கும், தமிழகத்தில் வெளிப்பதிவில் தங்கியுள்ள ஈழத்தமிழர்களுக்கும் உரிமைகள் அற்றவர்களாக இங்கு வாழ்கிறார்கள். இலங்கைக்கும் திரும்பிச் செல்ல முடியாத நிலையில் உள்ளனர்.

அசையும்( வாகனங்கள் ) மற்றும் அசையா சொத்துக்கள் கூட சொந்தமாக தங்கள் பெயரில் வாங்க முடியாதநிலை உள்ளது.

சிறப்பு முகாம் என்ற பெயரில் திருச்சியில் பல ஈழத்தமிழர்கள் தொடர்ந்து அடைக்கப்பட்டுள்ளனர். தமிழ்நாட்டை பூர்வீகமாக கொண்டவர்கள் கூட சிறப்பு முகாமில் அடைக்கப்பட்டுள்ளனர்.

இந்திய அரசு குடியுரிமைச் சட்டத்தில் திருத்தம் கொண்டுவந்துள்ளது. ஆனால் அது இலங்கை தமிழர்களுக்கு மட்டும் பொருந்தாது என்கிறது. தற்போது தமிழகத்தில் தேர்தல் நடைபெற உள்ளது. இந்திய அரசியலில் தேர்தல் பிரச்சாரமாக ஈழத் தமிழ் அகதிகளின் பிரச்சனையை கொண்டுபோக உள்ளோம்.

எனவே இது தொடர்பாக   27.2.2021 சனிக்கிழமை மதியம் 12 மணிக்கு சென்னை பத்திரிக்கையாளர் மன்றத்தில் பத்திரிக்கையாளர் சந்திப்பு நடத்த திட்டமிட்டுள்ளோம்.

வாருங்கள் தமிழர்களே!

பேசுபொருளாக்குவோம்

-தமிழகத்தில் உள்ள ஈழ தமிழர்கள் பிரச்சனையை...

இப்படிக்கு

பா.புகழேந்தி, ஒருங்கிணைப்பாளர்,

ஈழ அகதிகள் பாதுகாப்புக் குழு

( இந்தக்குழுவில் இணைய விரும்புபவர்கள் பேச 9840043487)